托比生活零零總總

　　以前老師總是教咱要有同理心，無奈真濟人出了學校進入社會都還給了老師啊？

　　是因為社會的險惡改變了咱的心，也是咱原本就自私利無法度將別人的可憐可憫之處有愛來看待？

　　大家攏知道要關懷弱勢，也確實有人捐錢幫助怹，只是按呢就會當幫助恁啊？捐款，你會曉我嘛會曉啊！

　　有的人逐個月固定捐款，但是煞從來毋看弱勢的人一目，感到怹無能，真拉儳，很憨等等。行動佮心無法一致。

　　一个行動哪毋真心也是真的嗎？想想哪有一工正當你面對你的受贈人，你干有法度正視伊，真心的牽著伊的手給伊關懷嗎？

　　且看聖經的耶穌，祂是一个真心同理的神。祂毋爾關心人的需要，祂嘛輕撫心靈受傷，別人看無起的人。

　　毋是有錢有地位受人尊敬的人，就會當看不起佮草踏別人。舊時自頭開始，受過折磨的成功者，決毋輕看弱勢者，除非已經大目孔。

　　同理真難，因為咱毋經歷過同款的代誌。

　　曾經有人感到講我照顧中風的老爸是一件毋困難的代誌。毋過當伊經過，伊的想法就不同啊，有了同理心。

　　真濟代誌毋是家己想的遐爾簡單。咱毋是神，同理毋簡單，但咱會當凡事加想一寡。就算毋百分之百的同理，嘛毋遠啊！