這拜日（9月25號）參加我一个親戚的追思禮拜。發現竟然只有一个詩班人員與一位司琴。
是佮教會的肢體的關係不好？亦是教會動員力不足？亦或是主日的關係（追思神卡大過人）？
有參加過追思禮拜的人應該攏知影獻詩的詩班大部份攏袂只有一个。所以會予人感覺到底是按怎啊？
看著彼一人詩班，獻詩聲不敢大聲過牧師，勼勼的，予牧師一个人搬戲。現場除了琴聲就只剩牧師的歌聲與一个人的詩班與我的小聲吟唱。
那會按呢，應該是家屬事先完全毋知要唱啥物詩歌，而且大多數个人攏毋是信耶穌的，觀禮者嘛只有我一位个是信耶穌的。
看到一个人的詩班由牧師領唱，甚至牧師驚會毋對，將詩班的聲音關小聲來看。差不多是由司琴與佮牧師撐煞全場。
聖經裡的索仔的故事甘也會記？一條誠緊就予人扯斷，兩條嘛是，三條以上就嘸容易啊。服事毋嘛是同款？
更卡重要的是彼此同心。哪嘸一人講一話，亦是互相猜疑是豬隊友，忝的就會是主事者！予原本會當互相補足的代誌留下遺憾。
一个人的詩班若佮牧師、司琴搭配完全，二部重唱也能唱出絕美的詩歌。若有一人想要為大，絕美的詩歌也會暗淡無光。
只要足人攏想要為大，煞予代誌空添遺憾。若會當互相謙虛，互相配搭會好細，小事也會當成就大事！一个人的詩班真正有大大啟示！
文章標籤
全站熱搜
